Protesta në Tiranë: derës së Infrastrukturës i vihet flaka, preket edhe Ministria e Brendshme
Gjatë protestës në Tiranë, protestuesit i vunë flakën derës së Ministrisë së Infrastrukturës dhe zjarrin e mori edhe dera e Ministrisë së Brendshme. Më herët u sulmua me molotovë dhe gurë Komisariati nr. 3, ku u lënduan disa efektivë.
Një moment i ri tensioni u shënua gjatë protestës në Tiranë, ku protestuesit i vunë flakën derës së Ministrisë së Infrastrukturës. Sipas raportimeve, zjarri përfshiu edhe derën e Ministrisë së Brendshme.
Ngjarja vjen pas përshkallëzimit të situatës në disa pika të kryeqytetit. Pak më herët, protestuesit sulmuan me koktej molotovi dhe gurë Komisariatin nr. 3.
Si pasojë e këtij sulmi ndaj komisariatit, janë lënduar disa efektivë të policisë. Nuk ka të dhëna të tjera mbi gjendjen e tyre shëndetësore apo dëmet materiale.
Autoritetet nuk kanë dhënë ende detaje të mëtejshme mbi incidentet apo masa të ndërmarra lidhur me personat e përfshirë.
