Pesë ditë protesta në Tiranë: 272 të lënduar, 12 ende në spital
Në pesë ditë protestash në Tiranë janë regjistruar 272 të lënduar, mes tyre efektivë policie, protestues dhe kalimtarë. Vetëm më 17 tetor u raportuan 65 të dëmtuar, ndërsa 12 persona vazhdojnë të jenë të shtruar në Spitalin e Traumës.
Në Tiranë, gjatë pesë ditëve të fundit të protestave, janë shënuar 272 persona të lënduar. Bilanci përfshin punonjës policie, protestues dhe qytetarë që ndodheshin pranë ngjarjeve. Të paktën 12 persona vijojnë të marrin trajtim në Spitalin Universitar të Traumës.
Vetëm gjatë protestës së datës 17 tetor, e zhvilluar të shtunën, u raportuan 65 të lënduar. Sipas të dhënave, në këtë numër përfshihen 37 efektivë policie, 24 protestues dhe 4 kalimtarë, mes tyre edhe një i mitur.
Sa i përket bilancit total të pesë ditëve, 169 nga të lënduarit janë punonjës policie, 82 janë protestues dhe 21 janë kalimtarë.
Autoritetet shëndetësore raportojnë se 12 persona ndodhen ende të shtruar në Spitalin e Traumës, ndërsa të tjerët janë trajtuar dhe liruar.
Protestat kanë vijuar në disa ditë radhazi në kryeqytet, duke shkaktuar përplasje dhe lëndime në të dyja krahët, si edhe te qytetarë që nuk ishin pjesë e tubimeve.
