Hiqen gurët e trotuareve në Bulevardin “Dëshmorët e Kombit” pas pesë ditësh përplasje me policinë
Pas pesë ditësh protestash ku gurët e trotuareve u përdorën kundër policisë, Bashkia e Tiranës po pastron bulevardin dhe po largon mbetjet e ngurta. Disa efektivë kanë marrë trajtim spitalor si pasojë e goditjeve.
Për pesë ditë radhazi në Bulevardin “Dëshmorët e Kombit” protestues kanë dëmtuar trotuaret dhe kanë përdorur gurët për të qëlluar drejt policisë. Si pasojë, disa efektivë të rendit kanë pësuar dëmtime dhe kanë kërkuar trajtim spitalor.
Aktualisht, mjetet e angazhuara nga Bashkia e Tiranës po pastrojnë zonën, ndërsa punonjësit e pastrimit po largojnë mbetjet e ngurta të mbetura në trotuare.
Sipas autoriteteve vendore, heqja e gurëve nga trotuaret përgjatë bulevardit synon të parandalojë përdorimin e tyre si mjete goditëse ndaj forcave dhe mjeteve policore.
Gjatë ditëve të fundit, gurët e shkëputur nga trotuaret janë përdorur vazhdimisht në përplasjet me policinë, duke shkaktuar dëmtime të uniformave të efektivëve.
Situata në terren mbetet në zhvillim dhe ekipet e pastrimit vijojnë punën për rikthimin e normalitetit në zonë.
