Skënderbeu përmbys Elbasanin dhe merr fitoren e parë në Superiore
Skënderbeu fitoi 2-1 ndaj Elbasanit në javën e 7-të, falë dopietës së Bismark. Korçarët ngjiten në 6 pikë dhe kalojnë përkohësisht Vllazninë.
Skënderbeu regjistroi fitoren e parë këtë sezon në Kategorinë Superiore, duke mposhtur Elbasanin 2-1 në Korçë, në takimin e javës së shtatë.
Ndeshja nisi keq për vendasit: miqtë kaluan në avantazh në minutën e 41-të me Mazarin, pas një pasimi të pavullnetshëm të Nikajt. Reagimi i korçarëve ishte i menjëhershëm dhe Bismark barazoi shifrat pak çaste më vonë.
Pas pushimit, ekipi i Julian Ahmatajt u shfaq më këmbëngulës dhe gjeti golin e dytë në minutën e 78-të, sërish me Bismark, duke përmbysur rezultatin në 2-1.
Me këtë sukses, Skënderbeu shkon në kuotën e 6 pikëve dhe për momentin parakalon Vllazninë në renditje, ndërsa Elbasani mbetet me 7 pikë.
