Pas ndërhyrjes në mushkëri, Papa Leone XIV lë Gemellin dhe kthehet në Vatikan
Papa Leone XIV u largua nga Polikliniko Gemelli në Romë pas trajtimit kirurgjikal në mushkëri dhe u rikthye në Vatikan. Ai pritet të udhëheqë lutjen Angelus të dielën, më 18 tetor, nga Pallati Apostolik.
Papa Leone XIV u largua nga spitali Polikliniko Gemelli në Romë pas një periudhe shtrimi për një ndërhyrje kirurgjikale në mushkëri dhe u rikthye në Vatikan.
I shoqëruar nga mjekët, Ati i Shenjtë doli në këmbë nga spitali, ku e pritën besimtarë të shumtë. Ai i përshëndeti të pranishmit dhe bisedoi shkurt me ta, përpara se të hipte në makinë dhe të nisej drejt Vatikanit.
Mjekët e kishin vlerësuar më herët të përshtatshëm për daljen nga spitali. Sipas njoftimit, Papa do të recitojë në mënyrë të rregullt lutjen e Engjëllit të Zotit (Angelus) të dielën, më 18 tetor, nga Pallati Apostolik.
Përpara largimit, në hyrjen kryesore të Gemellit, Papa takoi një të re ukrainase, paciente onkologjike, e cila ishte me familjen. Kreu i Kishës Katolike e inkurajoi dhe i dha bekimin e tij.
Burime të Vatikanit bënë të ditur se përpara nisjes, në orën 12:00, Papa Leone XIV kremtoi meshën në një dhomë të posaçme në katin e dhjetë të spitalit. Më pas përfundoi procedurat e daljes dhe u nis për në Vatikan.
