RJ Mitte i “Breaking Bad” ndahet nga jeta në Teksas, 34 vjeç
Aktori amerikan RJ Mitte, i njohur si Walter White Jr. në “Breaking Bad”, ka vdekur në moshën 34-vjeçare në Teksas. Sipas TMZ, dyshohet për vetëvrasje, ndërsa autoritetet po hetojnë rrethanat.
Aktori RJ Mitte, i njohur për rolin e Walter White Jr. në serialin “Breaking Bad”, ka ndërruar jetë në moshën 34-vjeçare në Teksas, raportojnë mediat amerikane.
Sipas TMZ, vdekja dyshohet të ketë qenë vetëvrasje. Autoritetet kanë bërë të ditur se hetimet për rrethanat janë ende në vijim.
Mitte u shfaq në 56 episode të “Breaking Bad” dhe u veçua edhe për angazhimin e tij publik në mbështetje të personave me aftësi të kufizuara. Duke jetuar me paralizë cerebrale, ai shfrytëzoi përvojën dhe famën për të promovuar ndërgjegjësimin, përfshirjen dhe një përfaqësim më të gjerë në industrinë e filmit.
Përfaqësuesit e aktorit e kujtuan atë si filantrop dhe aktivist të përkushtuar, duke theksuar bashkëpunimet me organizata bamirëse dhe nismat e mbështetura përmes “The Mitte Foundation”.
Vetëm një javë më parë, Mitte kishte folur në një podcast për ndikimin që “Breaking Bad” pati në jetën e tij dhe për marrëdhëniet e afërta me ish-kolegët e serialit. Ai ishte i fejuar me Kennedy Suarez, së cilës i kishte propozuar vitin e kaluar.
