Policia e Shijakut arrestoi një 32-vjeçar pas kontrollit në një banesë në Koxhas-Kodër, ku u sekuestruan dy armë automatike, municion dhe 32,500 euro. Materialet iu referuan Prokurorisë së Durrësit.
Një 32-vjeçar u arrestua në Shijak, pasi gjatë një kontrolli në banesën e tij në fshatin Koxhas-Kodër, Xhafzotaj, policia gjeti dy armë zjarri automatike, municion dhe 32,500 euro.
Policia njoftoi se veprimi u krye në kuadër të operacionit të koduar “Baza”, të zhvilluar nga specialistët për Hetimin e Krimeve pranë Komisariatit të Policisë Shijak.
Gjatë kontrollit u sekuestruan dy armë automatike, dy krehra me nga 10 fishekë secili, si dhe shuma monetare prej 32,500 eurosh.
Sipas të dhënave zyrtare, operacioni u organizua pas informacioneve se i riu mbante armë pa leje. Ai u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Materialet procedurale i janë referuar Prokurorisë së Durrësit për veprime të mëtejshme.
