Policia greke sekuestron rreth 36 kg kanabis në Janinë; tre të huaj ndalohen
Gjatë një operacioni antidrogë në Janinë, policia greke gjeti 34 pako me kanabis të papërpunuar me peshë totale rreth 36 kg. Lënda dyshohet se vinte nga Shqipëria, ndërsa tre shtetas të huaj janë ndaluar.
Policia greke sekuestroi rreth 36 kilogramë kanabis të papërpunuar në Janinë gjatë një aksioni antidrogë, ku u ndaluan tre shtetas të huaj. Sipas të dhënave fillestare, lënda narkotike dyshohet se kishte origjinë nga Shqipëria.
Gjatë operacionit, efektivët pikasën dy automjete që lëviznin njëri pas tjetrit në një distancë të caktuar, në të cilat udhëtonin tre persona.
Në kontrollin e njërës prej makinave, policia gjeti dhe sekuestroi 34 pako me kanabis të papërpunuar, me peshë totale rreth 36 kilogramë.
Dyshimet hetimore tregojnë se ngarkesa narkotike po transportohej nga tre personat që udhëtonin në të dyja automjetet.
Të tre të dyshuarit janë ndaluar, ndërsa hetimet vijojnë për të sqaruar rrethanat e rastit dhe për të verifikuar origjinën e saktë të lëndës narkotike.
