Rama thotë se Buxheti 2027 pritet të arrijë në 10 miliardë euro, pas takimit të “Pranisë Besnike”
Kryeministri Edi Rama publikoi pamje nga takimi i përjavshëm i “Pranisë Besnike” dhe njoftoi se mazhoranca po diskuton Buxhetin 2027, që sipas tij do të arrijë një tavan rekord prej 10 miliardë eurosh.
Kryeministri Edi Rama publikoi pamje nga takimi i përjavshëm mbi ecurinë e nismës “Prania Besnike”, duke bërë të ditur se diskutimet në mazhorancë po vijojnë edhe për Buxhetin e vitit 2027.
Sipas kreut të qeverisë, projektbuxheti i vitit 2027 parashikohet të arrijë një tavan rekord prej 10 miliardë eurosh, me synim rishpërndarjen e të ardhurave nga rritja që ai e përshkroi si e qëndrueshme.
“...po diskutojmë Buxhetin 2027, i cili do të prekë tavanin rekord të 10 miliardë eurove, për të rishpërndarë më shumë nga rritja e qëndrueshme e ekonomisë,” shkroi Rama në një postim në Facebook.
Rama theksoi se takimet e “Pranisë Besnike” po vijojnë rregullisht, ndërsa mazhoranca është përqendruar te përgatitjet për vitin buxhetor të ardhshëm.
Nuk u bënë të ditura detaje të tjera mbi përmbajtjen e projektbuxhetit apo masat specifike të parashikuara.
