Parlamenti lituanez miraton në parim heqjen e ndalimit për armët bërthamore
Legjislativët në Lituani votuan në leximin e parë për të fshirë ndalimin kushtetues të armëve bërthamore. Kremlini paralajmëroi se hapi mund të nxisë përshkallëzim.
Parlamenti i Lituanisë votoi sot në favor të heqjes së ndalimit kushtetues për armët bërthamore, në votimin e parë nga dy që kërkohen për ndryshimin. Nga 141 deputetë, 106 mbështetën propozimin.
Ndryshimi parashikon shfuqizimin e kufizimeve të vendosura mbi tre dekada më parë, pas shpërbërjes së Bashkimit Sovjetik. Për të hyrë në fuqi, ai kërkon një shumicë prej dy të tretash në dy votime të ndara parlamentare.
Votimi i dytë është planifikuar për 12 janar. Presidenti Gitanas Nausėda ka theksuar se aktualisht nuk ka plane për ruajtjen e armëve bërthamore në vend, por heqja e ndalimit do t’i lejojë autoriteteve të reagojnë nëse situata e sigurisë ndryshon.
Kremlini reagoi ndaj zhvillimeve, duke thënë se ky hap mund të sjellë një raund të ri përshkallëzimi në rajon.
Nausėda ka nënvizuar më herët se Lituania do të mbetet palë e Traktatit për Mospërhapjen e Armëve Bërthamore.
