Sot 100 ditë tubim, protestuesit paralajmërojnë rrethimin e Kryeministrisë: Shqipëria nuk është në shitje

Ashtu si çdo ditë tjetër, grumbullimi i qytetarëve ka nisur në sheshin “Skënderbej”, për të marshuar më pas drejt bulevardit “Dëshmorët e Kombit” dhe për t’u stacionuar te Kryeministria.

Përveç fjalimeve, protestuesit kanë paralajmëruar se sot do të rrethojnë godinën e Kryeministrisë, ashtu siç ndodhi më 1 shtator.

Nuk dihet ende nëse skenari i tubimit sot do të jetë siç është paralajmëruar, ndërsa protestuesit vazhdojnë me thirrje për dorëheqjen e kryeministrit dhe krijimin e një qeverie teknike.