“Shqipëria s’ka pretendime ndaj territorit serb”/ Rama i përgjigjet Vuçiçit për lumin Ibër: Serbia e humbi Kosovën, hartat janë më pak tolerante

Kryeministri Edi Rama ka reaguar pas deklaratës së fundit të presidentit të Serbisë, Aleksander Vuçiç, lidhur me lumin Ibër dhe çështjen e Kosovës, duke e zhvendosur debatin nga hidrologjia te marrëdhëniet mes dy vendeve dhe statusi i Kosovës.

Në një reagim të gjatë, Rama ironizon deklaratat e palës serbe, duke thënë se debati për lumin Ibër përfundoi duke kaluar nga hidrologjia te e drejta ndërkombëtare, “Shqipëria e Madhe” dhe pretendimet historike të Serbisë.

“Edhe pse prisja një përgjigje për Ibërin, në njëfarë mënyre udhëtuam nga hidrologjia te e drejta ndërkombëtare, bëmë ndalesën e detyrueshme te ‘Shqipëria e Madhe’, kaluam përmes ‘Kosovës dhe Metohisë’ dhe në fund mbërritëm te muzeu i njohur i ankthit historik serb”, shkruan Rama.