Aksident i frikshëm në aksin Gjirokastër-Kakavijë, përplasen dy automjete, 3 të plagosur

Tre persona kanë mbetur të plagosur si pasojë e një aksidenti të ndodhur gjatë natës në aksin rrugor Gjirokastër-Kakavijë, në vendin e quajtur NSHN.

Në aksident janë përfshirë dy automjete, një “Benz” dhe një “Audi”, të cilat janë përplasur me njëra-tjetrën. Të plagosurit janë transportuar për ndihmë mjekësore dhe, sipas të dhënave paraprake, ndodhen jashtë rrezikut për jetën.

Pas aksidentit, në vendngjarje ka mbërritur Policia së bashku me grupin hetimor. Vijojnë veprimet për zbardhjen e shkaqeve dhe rrethanave të përplasjes.