Dita e 25-të e tubimit, qytetarët kërkojnë përshkallëzim, marshojnë nëpër kryeqytet pas qëndrimit disa orë para Kryeministrisë
Eme Murati1 min lexim
U mbajt sot në Tiranë protesta qytetare, e cila vijon prej 25 ditësh, me thirrjet për ndryshimin e kastës politike.
Pavarësisht shiut, qytetarët u mblodhën edhe sot, me një grumbullim që nisi si çdo ditë në sheshin Skënderbej, e më pas marshuan drejt Kryeministrisë.
Me thirrje me megafon, pankarta dhe fjalime në podium, qytetarët kanë kërkuar dorëheqjen e qeverisë dhe një qeveri teknike për jo më pak se 12 muaj.
Ata kanë deklaruar se kjo protestë mund të përshkallëzohet dhe të shkojë deri në bllokimin e institucioneve.
Pas disa orësh para Kryeministrisë, ata kanë nisur marshimin nëpër akset kryesore të Tiranës, duke vijuar me thirrje kundër qeverisë dhe opozitës.
Ke informacion për këtë histori? Na shkruaj në mënyrë konfidenciale.Dërgo sinjalizim
