Makinat përplasen kokë më kokë në Dhërmi, katër persona përfundojnë në spitalin e Vlorës

Menjëherë pas aksidentit, në vendngjarje kanë mbërritur ambulancat, të cilat kanë transportuar të plagosurit drejt Spitalit Rajonal të Vlorës për të marrë ndihmën e nevojshme mjekësore.

Burime nga stafi mjekësor i spitalit bëjnë me dije se katër të lënduarit ndodhen jashtë rrezikut për jetën dhe po vijojnë trajtimin në spital.

Ndërkohë, shërbimet e Policisë Rrugore kanë mbërritur në vendin e ngjarjes dhe po kryejnë veprimet procedurale, si dhe matjet e nevojshme për të përcaktuar shkaqet dhe rrethanat e aksidentit.