Mbyllet pas 16 vjetësh epoka Orban në Hungari, Kryeministri pranon humbjen: Rezultat i dhimbshëm. Opozita fiton mbi 2/3 e vendeve në Parlament
Kryeministri hungarez Viktor Orbán, në një fjalim të shkurtër pas humbjes së zgjedhjeve në Hungary, e cilësoi rezultatin si “të dhimbshëm për ne, por të qartë”.
Ai përgëzoi partinë fituese të opozitës, Tisza Party të udhëhequr nga Péter Magyar, ndërsa theksoi se partia e tij nuk kishte punuar kurrë kaq shumë në një fushatë zgjedhore. Orbán falënderoi gjithashtu 2.5 milionë qytetarët që votuan për forcën e tij politike.
“Ne do t’i shërbejmë vendit tonë dhe kombit hungarez nga opozita”, u shpreh ai.
Ai shtoi se gjatë më shumë se 30 viteve në krye të Fidesz ka përjetuar periudha të vështira dhe të mira, por theksoi se nuk do të dorëzohet kurrë.
“Këto ditë kanë të bëjnë me shërimin e plagëve tona, por ka ende punë për t’u bërë”, përfundoi kryeministri në largim.
