Gjykata e Lartë dhe e Posaçme rrëzojnë kërkesën e Argita dhe Jamarbër Malltezit, kërkuan heqjen e sekuestros së pasurisë: Shpresa e fundit, Strasburgu

Gjykata e Lartë la në fuqi vendimin e 16 janarit për pasuritë e vajzës së Sali Berishës dhe bashkëshortit të saj. Të njëjtin vendim ka marrë edhe Gjykata e Posaçme, e cila rrëzoi kërkesën për sekuestron e pasurive të Jamarbër Malltezit.

Në një prononcim, Malltezi u shpreh se pas këtyre vendimeve, shpresat janë vetëm te gjykata e Strasburgut:

“Kemi gjyqtarë dhe prokurorë ‘lepe peqe’. Nuk po respektohet ligji, ka kaluar çdo afat. Pasi t’i drejtohemi Kushtetueses për vendimin tjetër që dha Gjykata e Lartë, shpresat i kemi vetëm te gjykata e Strasburgut”.