Bllokimi i Ngushticës së Hormuzit, Kina dhe Rusia votojnë kundër rezolutës në Këshillin e Sigurisë së OKB për rihapjen e rrugës tregtare
Aleatët e Iranit, Kina dhe Rusia, kanë votuar kundër një rezolute të Këshillit të Sigurisë të OKB-së që synon rihapjen e Ngushticës së Hormuzit.
Projekt-rezoluta e sponsorizuar nga Bahreini “inkurajon fuqimisht” vendet të koordinojnë masat mbrojtëse që do të siguronin kalim të sigurt përmes rrugës ujore, duke përfshirë edhe shoqërimin e anijeve tregtare. Teksti ishte një version i zbutur i draftit origjinal, i cili mund të kishte autorizuar vendet të përdornin forcën për të siguruar tranzit të sigurt përmes ngushticës.
Njëmbëdhjetë vende votuan në favor të rezolutës, dy abstenuan dhe dy e kundërshtuan atë.
Një përfaqësues i SHBA-së dënoi Kinën dhe Rusinë për votimin kundër saj, duke i akuzuar ato se po mbështesnin “një regjim që kërkon të frikësojë Gjirin Persik që ta nënshtrojë”.
Një përfaqësues rus tha se rezoluta do të “gjeneronte një precedent të rrezikshëm” për të drejtën ndërkombëtare dhe përpjekjet për paqe.
Një përfaqësues izraelit tha: “Edhe nëse rezoluta nuk do të miratohej, shumica e gjerë që e mbështeti atë pasqyron angazhimin e shumicës së vendeve në botë për të siguruar lirinë e lundrimit dhe për t’u përballur me përpjekjet për të kërcënuar rrugët ndërkombëtare tregtare”.
